I ftuar në emisionin “Kampionët e Botës” në Tv Klan, Cllevio u bë pjesë e një loje argëtuese, ku renditi personazhet më të njohur të showbiz-it shqiptar me terma futbollistikë.
Kur u pyet se cili është artisti më i mbivlerësuar, ai nuk hezitoi të përmendte Noizy-n.
Ndërkohë, për pyetjen se kush bën më shumë zhurmë sesa “futboll”, Cllevio përmendi Stresin, ndërsa si këngëtaren që “e vendos ndeshjen në skenë” zgjodhi Dafina Zeqirin, duke e cilësuar si një divë.
Në renditjen e tij nuk munguan as “kartonët”. Cllevio i dha kartonin e kuq Xhensila Myrtezajt, pa dhënë një shpjegim të mëtejshëm për zgjedhjen.
Sa i përket artistit me “merkaton” më të madhe, ai përzgjodhi Gango-n, ndërsa “Topin e Artë” ia dha Getoar Selimit, duke e vlerësuar si reperin që e meriton më shumë këtë titull.
Deklaratat e Cllevio-s pritet të nxisin reagime në rrjet, veçanërisht për komentet e tij ndaj Noizy-t dhe Xhensila Myrtezajt.