Sulmet e fundit në Lindjen e Mesme kanë goditur drejtpërdrejt xhepat e konsumatorëve evropianë.
Pas goditjes së qendrës më të madhe të gazit në Katar nga Irani, çmimet në Bashkimin Evropian kanë pësuar një rritje, me mbi 25% brenda pak orësh duke arritur nivelin më të lartë që nga janari i vitit 2023.
Situata mbetet dramatike në të gjithë Gjirin Persik. Emiratet e Bashkuara Arabe u detyruan të mbyllin impiantet në Habshan pas interceptimit të raketave, ndërsa Bahreini raporton sulme të rënda ndaj aseteve të tij energjetike.
Mbyllja e Ngushticës së Hormuzit që prej fillimit të luftës më 28 shkurt ka izoluar tregjet. Përmes kësaj pike kalon rreth 20% e furnizimit global dhe me mbylljen e saj, Evropa po përballet me kërcënimin real të mungesës së rezervave.