Pas dy viteve heshtje dhe një periudhe shumë të vështirë personale dhe profesionale, influencierja dhe biznesmenia italiane Chiara Ferragni ka folur për herë të parë hapur mbi atë që ka ndodhur në jetën e saj gjatë dy viteve të fundit — përfshirë edhe ndarjen nga ish-bashkëshorti Fedez dhe goditjet që ka përjetuar.
Ferragni u përfshi në një çështje gjyqësore të njohur si “Pandoro Gate”, ku u akuzua për mashtrim në fushatat bamirëse, por u shpall e pafajshme nga gjykata italiane në fillim të janarit 2026. Gjatë kësaj periudhe ajo zgjodhi të qëndronte e heshtur, duke mos komentuar publikisht për situatën ligjore dhe emocionet e saj personale.
Në një intervistë për mediat italiane, Ferragni përshkroi dy vitet që kaloi si “koha më e vështirë e jetës sime” dhe faktin se heshtja e saj nuk ishte e rastësishme — ajo frikësohej se çdo fjalë e gabuar mund të kthehej kundër saj gjatë procesit.
Por ajo gjithashtu ka folur hapur për ndarjen nga Fedez, duke thënë se kjo ndodhi në momentin më të rëndë për të dhe se u ndje “krejtësisht e braktisur”. Ferragni përmendi se vështirësitë përtej proceseve ligjore ndikuan edhe në marrëdhënien e tyre personale, duke e bërë përjetimin edhe më të dhimbshëm.
Ajo përshkroi edhe reagimin e saj kur u shpall e pafajshme në gjykatë, duke thënë se u emocionua dhe qau teksa e përqafonte avokatin, përshkruari atë moment si një skenë filmi që i dha forcë për të përballuar më tejjetën.
Chiara deklaroi se tani është më e vetëdijshme, më e kujdesshme dhe më autentike, duke theksuar se njerëzit “nuk duhet të presin persona të përsosur”, por se ajo dëshiron të perceptohet për atë që është vërtet. Ajo tha se do të festojë së bashku me miqtë dhe të fillojë të jetojë përsëri, duke lënë pas një kapitull të dhimbshëm dhe duke iu rikthyer jetës me një perspektivë të re.