Pas eliminimit nga spektakli i njohur “Big Brother VIP Kosova 4”, ish-banori Eduard “Edi” Kuçi ka dhënë një intervistë ku komentoi hapur për eksperiencën e tij brenda shtëpisë dhe për raportet me disa prej banorëve, veçanërisht me Dolcen dhe afrimitetin e saj me Lim Hotin.
Edi tha se ajo që publiku ka parë në ekran është pjesë e lojës dhe jo domosdoshmërisht ndjenja reale: “E njoh Dolcen prej jashtë dhe shumë nga emocionet që kam treguar brenda shtëpisë kanë qenë pjesë e strategjisë për të qëndruar në lojë,” tha ai, duke shtuar se lotët e tij kanë qenë “aktrim i suksesshëm”.
Ai komentoi edhe mënyrën si Dolce u prezantua me Lim Hotin, duke thënë se ajo shpesh paraqitet në publik në mënyra që sipas tij “dalin keq” dhe që nuk janë “sikur duhet të shfaqen”, pavarësisht se spektakli është i gjithë për lojë.
Edi gjithashtu theksoi se edhe brenda një loje reality show, një femër duhet të ruajë respektin për veten dhe kufijtë personalë, duke komentuar: “Në lojë duhet me mbajt veten, duhet me pas respekt për veten… s’bëhen ato gjeste.”