A ju ka ndodhur ndonjëherë që gjatë një bisede të mos gjeni dot fjalët e duhura, por sapo shtriheni në shtrat, truri juaj papritur ju jep përgjigjen perfekte?
Ky fenomen lidhet me faktin se, kur përgatitemi për të fjetur, largohemi nga shpërqendrimet dhe truri kalon gradualisht në një gjendje më të qetë. Gjatë ditës jemi të bombarduar me informacione, biseda, njoftime dhe detyra, ndaj nuk kemi gjithmonë hapësirën mendore për të reflektuar mbi një situatë.
Kur shtrihemi dhe gjithçka qetësohet, mendimet tona mund të fillojnë të lidhen më lirshëm. Truri rikthehet te bisedat, situatat dhe problemet e ditës, duke krijuar lidhje të reja mes informacionit që kemi përpunuar.
Kjo është edhe arsyeja pse ndonjëherë, pikërisht para gjumit, na vjen në mendje një ide që nuk e kishim gjetur gjatë gjithë ditës, një zgjidhje për një problem apo përgjigjja që “duhej” t’ia kishim dhënë dikujt.
Në këtë moment, nuk do të thotë domosdoshmërisht se truri ynë është papritur më inteligjent. Thjesht kemi më pak shpërqendrime dhe më shumë hapësirë për të reflektuar.
Madje, për këtë arsye shumë njerëz mbajnë një bllok shënimesh pranë krevatit. Sepse ideja gjen kohën perfekte për të ardhur… pikërisht kur ti duhet të flesh