Poetja Mimoza Ahmeti ka rikthyer sërish vëmendjen në rrjetet sociale, këtë herë me një njoftim të pazakontë që lidhet me eksperiencën e saj në “Ferma VIP 3”, ku u shpall fituese.
Ahmeti ka publikuar pamje të veshjes që përdori gjatë një prej performancave më të komentuara në spektakël, ku u shfaq me një stil të frymëzuar nga Lady Gaga. Seti përfshin veshjen karakteristike dhe këpucët blu që mbante gjatë performancës.
Ajo ka bërë të ditur se ky set do të dalë në ankand, me një çmim fillestar prej 5 mijë eurosh, duke ngjallur menjëherë reagime dhe diskutime të shumta në rrjet.
Ende nuk është e qartë nëse bëhet fjalë për një ankand të mirëfilltë apo për një postim me nota humori, duke qenë se Ahmeti është komentuar shpesh për stilin e saj spontan dhe deklaratat e papritura.
Megjithatë, postimi ka tërhequr vëmendjen e ndjekësve, të cilët kanë reaguar me komente të shumta. Tashmë mbetet për t’u parë nëse do të ketë interes konkret për blerjen e setit apo nëse e gjithë nisma është pjesë e stilit të veçantë me të cilin poetja vijon të surprizojë publikun.
