Eljona Binakaj i ka dhënë fund aludimeve për jetën e saj sentimentale. E ftuar në emisionin “Top Arena”, influencerja konfirmoi publikisht se është në një lidhje me Klodian Mihajn, duke pranuar për herë të parë romancën që prej kohësh përflitej në rrjet.
Gjatë intervistës, Eljona tregoi se dëshiron ta mbajë marrëdhënien larg syrit të publikut, por u shpreh krenare për partnerin e saj. Ajo zbuloi se mban edhe një “promise ring”, ndërsa theksoi se ajo që vlerëson më shumë te Klodi është mbështetja që ai i jep në çdo moment.
Me humor, Eljona pranoi gjithashtu se në çift ka pak xhelozi nga të dyja palët, por e cilësoi atë si “të ëmbël”.