Kida dhe Ajbi janë gati t’i japin fund beqarisë. Pas dy vitesh fejesë, çifti do të kurorëzojë dashurinë me një ceremoni madhështore, ndërsa kanë nisur të zbulohen edhe detaje nga organizimi i dasmës.
Propozimi romantik që Ajbi i bëri Kidës në dhjetor të vitit 2024, në ditëlindjen e saj, u kthye menjëherë në një nga momentet më të komentuara në rrjet. Tashmë, pritjes po i vjen fundi, pasi dyshja do të martohet më 1 shtator.
Për ditën e tyre më të rëndësishme, Kida dhe Ajbi kanë zgjedhur Romën, ku ceremonia do të mbahet në një rezidencë historike me arkitekturë neoklasike, e vendosur në një nga pikat më panoramike të kryeqytetit italian.
Organizimi i dasmës pritet të jetë në nivelet më luksoze. Vetëm marrja me qira e ambientit kushton nga 20 deri në 25 mijë euro, ndërsa shpenzimet totale, së bashku me dekorin, stafin dhe shërbimet e tjera, mund të kalojnë shifrën e 70 mijë eurove.
Edhe menuja do të jetë ekskluzive, e kuruar nga kompani partnere me yje Michelin, me një kosto që arrin deri në 300 euro për çdo të ftuar. Ndërkohë, sistemi profesional i ndriçimit dhe audios për ceremoninë kap vlerën e rreth 18,500 eurove.Atmosfera do të ndizet nga performancat e Ermal Fejzullahut dhe Sinan Vllasaliut, të cilët do të jenë përgjegjës për pjesën muzikore të mbrëmjes.
Me të gjitha këto detaje, gjithçka tregon se dasma e Kidës dhe Ajbit pritet të jetë një nga eventet më luksoze dhe më të komentuara të showbiz-it shqiptar këtë vit.