Edhe pse fillimisht u pa si një thashethem apo një ide kalimtare, Mateo Borri duket se e ka marrë seriozisht rrugëtimin e tij në muzikë. Ish-finalisti i BBVA 5 është gati të provojë veten në një fushë krejt të re, duke sjellë projektin e tij të parë muzikor.
Së fundmi, Mateo ka shtuar edhe më shumë kuriozitetin e ndjekësve, teksa ka ndarë një fragment të shkurtër nga kënga e tij e parë, duke konfirmuar se debutimi muzikor është tashmë shumë pranë.
Pas këtij projekti qëndron Kelly, këngëtari dhe ish-banori i edicionit të kaluar të BBVA, i cili ka qenë i angazhuar në realizimin e këngës. Dyshja duket se ka bashkëpunuar ngushtë në studio për të sjellë këtë projekt që pritet të tërheqë vëmendjen e publikut.
Madje, Mateo ka ndarë edhe një moment me ndjekësit e tij, duke iu drejtuar Kelly-t me pyetjen: “Kur do të dalë kënga, mjeshtër?”.
Nuk do të duhet të presim gjatë për ta dëgjuar, pasi premiera është paralajmëruar për këtë të premte në emisionin “Top Arena”. Tashmë mbetet për t’u parë se si do të pritet ky hap i ri i Mateos nga publiku dhe fansat e tij.
https://www.instagram.com/reel/DZ50SMRMl64/?igsh=MXFqZ20zM2d0eHZ0Nw==
