Në një bisedë të zhvilluar mbas emisionit “Opinion” me Blendi Fevziun, biznesmeni dhe aktivisti Elton Ilirjani ka bërë deklarata që kanë shkaktuar debat të gjerë në rrjet. Ai është shprehur hapur kundër disa përfaqësuesve të komunitetit LGBT në Shqipëri, duke theksuar se gjithçka lidhet me interesa financiare dhe jo me vlera reale të barazisë.
“Unë besoj në Zot, dhe për mua ekzistojnë dy gjini. Këta që duan të mos ketë as Zot, as kishë, as xhami, nuk i përkasin komunitetit që unë njoh,” – tha Ilirjani gjatë bisedës, duke theksuar se disa figura që vetëquhen drejtues të komunitetit nuk e përfaqësojnë realisht atë.
Gjatë bisedës, Fevziu i kujtoi se Parlamenti ka vendosur zyrtarisht që në dokumentet shtetërore të njihen vetëm dy gjini, një deklaratë që Eltoni e mbështeti, duke shtuar se kjo është një çështje e bazuar në besim dhe natyrë, jo në politikë.
Në vazhdim, moderatori e paralajmëroi se mund të përballej me reagime të forta nga komuniteti. Por Ilirjani u përgjigj qetësisht:
“Unë nuk hyj në sherr me komunitetin, por me ata që vetëquhen drejtues të tij. Nuk janë bërë zgjedhje, dhe shumë prej tyre flasin në emër të të gjithëve pa mandat.”
Deklaratat e tij kanë ndezur diskutime të shumta në rrjetet sociale por një gjë është e sigurt: Elton Ilirjani ka hapur një debat të fortë që pritet të vazhdojë gjatë.