Kim Kardashian duket se ka dhënë sinjalin më të fortë deri më tani se romanca e saj me yllin e Formula 1, Lewis Hamilton, po shkon më së miri. Edhe pse nuk e përmendi drejtpërdrejt emrin e pilotit, një deklaratë e saj e fundit ka shtuar dyshimet se lidhja mes tyre po bëhet gjithnjë e më serioze.
Gjatë një episodi të reality show-t The Kardashians, 45-vjeçarja po diskutonte me komedianen Nikki Glaser për listën e saj të gjatë të cilësive që kërkon te partneri ideal. Kim tregoi se kishte renditur më shumë se 50 karakteristika që dëshironte të gjente te personi me të cilin do të krijonte një lidhje.
Por ajo që tërhoqi vëmendjen ishte fakti se ylli televiziv la të kuptohej se personi i veçantë në jetën e saj i plotëson të gjitha këto kërkesa.
Kur producentët u përpoqën të mësonin më shumë, Kim reagoi me humor: “Po përpiqeni vërtet të më nxirrni fjalën nga goja”.
Më pas, ajo shtoi: “Më lejoni të them vetëm këtë: jam vërtet, vërtet e lumtur. Kaq do të them për momentin”.
Kim Kardashian dhe Lewis Hamilton janë përfolur për një lidhje romantike që prej muajit shkurt, kur u raportua se kishin kaluar disa ditë së bashku në Mbretërinë e Bashkuar. Në muajt pasues, dyshimet u shtuan, veçanërisht pasi dyshja u fotografua duke u puthur në Malibu të Kalifornisë, në prill.
Ndërkohë, Kim është shfaqur gjithnjë e më shpesh në garat e Formula 1, duke ndjekur nga afër paraqitjet e pilotit britanik. Në qershor, ajo mori pjesë në Çmimin e Madh të Monakos së bashku me motrën e saj, Khloé Kardashian, ku Hamilton përfundoi garën në vendin e dytë.
Dyshja u fotografua gjithashtu gjatë një udhëtimi romantik në Paris në shtator, ku, sipas raportimeve, ndanë edhe momente intime përpara Kullës Eiffel. Gjatë qëndrimit në kryeqytetin francez, ata ndoqën edhe një koncert të këngëtares Céline Dion.