Eduard Kuci, i njohur për komentet e tij të drejtpërdrejta dhe shpesh herë të bujshme në rrjete sociale, është përfshirë sërish në qendër të vëmendjes pas një transmetimi “live” që shkaktoi reagime të shumta.
Gjatë videos me ndjekësit, një komentues e pyeti për ish-banoren e “Big Brother VIP Kosova”, Xheneta Fetahun, duke i shkruar: “Preke veshin nëse ke pasur diçka me të.” Vetëm pak sekonda më pas, Edi bëri pikërisht atë lëvizje, gjë që shumëkush e interpretoi si një mënyrë të tërthortë për të konfirmuar një lidhje mes tyre.
Videoja u përhap me shpejtësi në rrjete sociale, duke ndezur komente, meme dhe reagime të shumta. Ndërsa disa e morën si një shaka, të tjerë e konsideruan gjestin e tij si provokues dhe të papërshtatshëm
Pas kësaj buje, Eduardi reagoi publikisht përmes një postimi në Instagram, duke kërkuar falje për situatën e krijuar.
“Kam reaguar pa vetëdije, nuk e kam parë fare komentin. Me atë gjest kam përcjellë informacione të gabuara dhe kërkoj falje, posaçërisht Xheneta Fetahut,” – shkroi ai.
Ngjarja ka hapur sërish diskutimin mbi ndikimin që kanë “live”-t në rrjete sociale dhe mënyrën se si një veprim i vogël mund të interpretohet në mënyra të ndryshme, duke u kthyer menjëherë në një temë të nxehtë për publikun online.