Raporti mes Don Xhonit dhe Loredanës ka qenë prej kohësh një nga dyshet më të përfolura në showbizin shqiptar. Dyshimet për lidhjen e tyre kanë qarkulluar shpesh, edhe pse asnjëri nuk e ka konfirmuar zyrtarisht.
E ftuar pak javë më parë në ‘Prive’, Loredana zgjodhi të shmangte komentet direkte duke u shprehur që të mos “merremi me thashetheme”. Megjithatë, ajo nuk i kurseu fjalët e mira për Don Xhonin, duke e vlerësuar atë me nota të larta.
Pas deklaratës së saj, një video ku shfaqej një makinë që shumë e lexuan si “sinjal” i marrëdhënies së tyre, shtoi edhe më shumë kuriozitetin.
Por duket se së fundmi ka ardhur një tjetër detaj që ka ngjallur diskutime. Loredana, e cila aktualisht po qëndron në Prishtinë, është parë duke mbajtur një unazë ari, jo fort tipike për stilin e saj. Dhe, sipas fansave, unaza i përket Don Xhonit.
Reperi është parë më herët me të njëjtën unazë, çka ka bërë që ndjekësit të dyshojnë se ajo mund të jetë një dhuratë e tij për bukuroshen.