Policia franceze ka nisur një hetim të thelluar pas një grabitjeje spektakolare që ndodhi në Verdun-sur-Garonne, rreth 40 kilometra nga Toulouse. Një furgon i blinduar që transportonte një ngarkesë me vlerë rreth 6 milionë euro, përfshirë shufra ari, monedha dhe vepra arti me vlerë të lartë.
Sipas mediave të huaja, grabitësit ndaluan furgonin në një zonë të izoluar dhe shkarkuan vetëm pjesët e ngarkesës që përmbanin arë, rreth 3 milionë euro në shufra ari dhe monedha. Në përpjekje për të zhdukur çdo provë, ata dogjën furgonin.
Ndërsa një grua pa automjetin e dyshimtë dhe vendosi ta ndjekë. Ajo regjistroi rrugën e tyre me telefonin e saj dhe dorëzoi videon tek autoritetet, duke ndihmuar kështu në identifikimin e rrugës që autorët ndoqën.
Policia dyshon se grabitësit kanë pasur informacion të brendshëm mbi përmbajtjen e ngarkesës dhe lëvizjet e furgonit.
Furgoni u gjet plotësisht i djegur nga xhandarmëria e Tuluzës dhe ekspertët e mjekësisë ligjore të Montaubanit. Hetimet tani janë përqendruar në identifikimin e bashkëpunëtorëve të mundshëm dhe marrjen në pyetje të dëshmitares që filmoi incidentin.
