Marrëdhënia midis Françeska Muratit dhe Heidi Baçit po përkeqësohet dita dites. Françeska duket e bindur se Heidi nuk është e sinqertë në lidhje me ndjenjat e saj për Romeon dhe po e përdor për përfitime në lojë. Këto dyshime ja ka shprehur edhe vetë aktorit të humorit në ambientet e Big Brother VIP3.
Në një moment, Françeska i thotë Romeos se Heidi duket të jetë më e prekur nga komentet e fansave se sa nga vetë ndjenjat e dashurise. Ajo shprehet se Heidi nuk ka reaguar ashtu si duhet në momente të rëndësishme, si për shembull në dasmën, ose kur ka parë Romeon që ka qarë.
Françeska: Ditën që Heidi është bërë nuse, kam shkuar dhe e kam parë kur është bërë nuse, pa emocion fare. Ishim tek altari nuk qau kur veshi fustanin. Nuk qau në altar. Nuk qau fare gjatë dasmës dhe qanë për një koment që i vjen nga një fans.
Romeo: O lali ça i ke këto muhabete, të lutem
Françeska: Kjo është, ti nuk do ti pranosh por është e vërteta. Pse ikën?
Romeo: Është ndjesia e asaj gocës po lëre, të lutem, po më dhemb koka
Françeska: Preket nga fansat por nuk preket nga ty. Të sheh ty duke qarë mbi 20 herë në këtë shtëpi dhe është nuk është prekur njëherë. Një koment që i ka ardhur nga fansi ka qarë kështu.