The Weeknd ka ndryshuar mendje për planet e tij për të hequr dorë nga emri artistik që e ka shoqëruar gjatë gjithë karrierës. Artisti, emri i vërtetë i të cilit është Abel Tesfaye, kishte folur prej vitesh për mundësinë që të vazhdonte muzikën nën emrin e tij të vërtetë, Abel.
Por gjatë një koncerti në Stokholm, këngëtari u shpreh se e kishte “provuar” idenë e tërheqjes nga personazhi The Weeknd dhe kuptoi se nuk i pëlqente. Ai konfirmoi para fansave se The Weeknd do të vazhdojë të jetë pjesë e karrierës së tij.
Vendimi vjen pas një periudhe kur artisti kishte menduar për një kapitull të ri në karrierë dhe për një identitet më të lidhur me emrin e tij, Abel. Tashmë duket se ai ka zgjedhur të mos i japë fund personazhit që e bëri një prej emrave më të njohur të muzikës botërore.
Për fansat, lajmi është një surprizë e mirë, pasi The Weeknd duket se nuk do të zhduket nga skena, por do të vazhdojë të sjellë muzikë nën emrin me të cilin është bërë i famshëm