Fenomeni “silent walking” po bëhet gjithnjë e më i përhapur në të gjithë botën pasi miliona njerëz po zgjedhin të ecin pa muzikë, pa kufje dhe pa telefon duke u shkëputur plotësisht nga shpërqendrimet digjitale. Ideja është shumë e thjeshtë por njëkohësisht shumë ndryshe nga rutina moderne: të ecësh në heshtje dhe të fokusohesh vetëm te mendimet e tua dhe ambienti përreth.
Ky trend po fiton popullaritet sepse shumë njerëz ndihen të mbingarkuar nga teknologjia dhe njoftimet e vazhdueshme dhe kërkojnë mënyra për të ulur stresin dhe për të gjetur qetësi mendore.
Ekspertët e mirëqenies mendojnë se ecja në heshtje mund të ndihmojë në përmirësimin e përqendrimit dhe reduktimin e ankthit duke funksionuar si një formë e thjeshtë meditimi në lëvizje ndërsa gjithnjë e më shumë njerëz e shohin si një mënyrë për t’u rilidhur me veten dhe për të bërë një “pauzë” nga zhurma e jetës moderne.