Është ndarë nga jeta Mukadem Ismajli, babai i këngëtares së njohur Genta Ismajli.
Lajmin e trishtë fillimisht e bëri të ditur këngëtari Sunaj Saraçi përmes një postimi në rrjetet sociale, ndërsa pak më vonë humbjen e konfirmoi edhe vetë Genta.
Këngëtarja publikoi një fotografi të babait të saj, të shoqëruar me një imazh nga fëmijëria e saj, duke i kushtuar disa fjalë tejet prekëse.
Në dedikimin e saj, këngëtarja shprehu mirënjohjen për dashurinë, këshillat dhe mbështetjen që i ati i kishte dhënë gjatë gjithë jetës.
Ajo u shpreh se do ta kërkojë gjithmonë në çdo hap dhe në çdo sukses të saj, duke e cilësuar si engjëllin e saj mbrojtës.
“Pusho në paqe BAB. Të dua dhe do të të dua gjithmonë”, përfundoi Genta dedikimin e saj emocionues.
