Për shumë të rinj të Gen Z, një telefonatë e papritur mund të duket stresuese. Në vend të saj, shumica preferojnë mesazhet, voice notes apo komunikimin në rrjete sociale. Ky ndryshim po vihet re gjithnjë e më shumë dhe lidhet me mënyrën se si brezi i ri është rritur me teknologjinë.
Ekspertët thonë se mesazhet u japin njerëzve më shumë kohë për të menduar para se të përgjigjen. Ndryshe nga telefonatat, ku duhet të reagosh menjëherë, komunikimi me tekst ndihet më pak presion dhe më komod emocionalisht. Për shumë të rinj, një telefonatë pa paralajmërim madje konsiderohet “ankth”.
Një tjetër arsye është fakti që Gen Z është mësuar me komunikimin e shpejtë dhe të shkurtër. Emoji-t, memet dhe voice notes janë bërë pjesë e përditshmërisë, duke zëvendësuar bisedat e gjata në telefon.
Megjithatë, ekspertët paralajmërojnë se shmangia e telefonatave mund të ndikojë edhe në aftësitë sociale dhe komunikimin real. Edhe pse mesazhet janë praktike, shumë njerëz mendojnë se asgjë nuk e zëvendëson një bisedë të vërtetë me zë.