Kur bëhet fjalë për dashurinë, tërheqja fizike sigurisht që ka rëndësi. Por sipas Vanessa Van Edwards, eksperte për marrëdhëniet dhe instruktore në Harvard, ekziston një tipar që shpesh anashkalohet, por që është shumë më tërheqës se pamja e jashtme. Dhe, për habinë tuaj, lidhet me të qeshurën.
Në vitin 2026, takimet romantike janë një tjetër botë. Nuk është më aq e zakonshme të takohesh në një bar, supermarket, park, kishë a një vend rastësor. Sot, vendi kryesor për të gjetur dashurinë është online.
Por bukuria fizike, sidomos online, shpesh mashtron. Dhe edhe nëse fotot janë të sakta, vetëm ato nuk mjaftojnë për të ndërtuar një lidhje të fortë dhe të qëndrueshme. Van Edwards thekson se ka shumë tipare që të bëjnë tërheqës, që nuk kanë lidhje me ngjyrën e syve apo formën e nofullës, por një tipar spikat mbi të tjerët: humori.
“Gratë e vendosin humorin si tiparin kryesor që duan te një burrë. Burrat nuk e vlerësojnë kaq shumë humorin te gratë, ata duan një grua që qesh me shakatë e tyre,” shpjegon Van Edwards.
Pra, djem dhe burra, mund të ndaloni së gënjyeri për gjatësinë tuaj dhe të filloni të punoni me humorin.
Dhe për vajzat dhe gratë: të qeshurat tuaja janë më të fuqishme sesa mund të mendoni. Kërkimet tregojnë se një e qeshur e sinqertë është më efektive për të tërhequr dikë.
Humori nuk është thjesht argëtues. Të qeshurit ul stresin dhe ankthin, të cilat shpesh rriten në një takim të parë. Kërkimet gjithashtu tregojnë se sa më shumë një burrë mundohet të jetë humoristik dhe sa më shumë një grua qesh me shakatë e tij, aq më shumë rritet interesi romantik.
Për më tepër, tiparet jo fizike, si përputhshmëria e interesave dhe vlerave, mund të jenë po aq të rëndësishme sa pamja. Nuk është vetëm bukuria që të bën tërheqës/e, një person me humor, i/e qeshur dhe me të cilin ndan vlera të ngjashme mund të jetë shumë më të parezistueshme.
Pra, në vend që të fokusoheni vetëm te pamja, lejojeni veten të argëtoheni, të tregoni shaka dhe të qeshni sa të mundni kur ju qeshet. Takimi do të bëhet më i këndshëm dhe mund të shihni që tërheqja nuk është gjithmonë vetëm çfarë sheh e pëlqen syri.