Duket se afërsia e papritur dhe puthjet pasionante mes Dolces dhe Limit brenda shtëpisë së Big Brother VIP Kosova nuk kanë kaluar pa vëmendjen e ish-banorit, Edi.
Edi, i cili vetëm pak javë më parë ishte protagonist kryesor në romancën e tij me Dolcen brenda Big Brother, ka reaguar menjëherë pas publikimit të skenave intime të ish-partneres së tij me Limin.
Përmes një postimi në Instastory, Edi nuk ka kursyer fjalët e tij, duke e cilësuar Dolcen si të paqëndrueshme emocionalisht.
“Analiza e Ludo’s doli që të jetë e saktë! Edhe qysh e kena përfol para Big-ut: FEMËR ‘MENDJE LEHTË’”, shkruan Edi.
Me këtë deklaratë, ai lë të kuptohet se sjellja e Dolces – e cila kaloi nga romanca me të, tek puthjet pas kthimit nga “Grande Fratello” me Limin – ishte diçka e paralajmëruar nga rrethi i tij shoqëror, duke iu referuar Ludo Lee, dhe që sipas tij nuk është surprizë.
Ky reagim vjen si një “shuplakë” publike ndaj Dolces, duke konfirmuar se për Edin, kapitulli me të është mbyllur përfundimisht dhe tashmë ai e sheh lojën e saj thjesht si një tregues të “mendjelehtësisë”.
