Bjarke Ingels Group, studioja nga Danimarka është shpallur fituese e konkursit ndërkombëtar për Tirana Fountain Plaza, mes pesë vizioneve arkitektonike për Tiranën 2030.
Sipas projektit të Bjarke Ingels Group kemi të bëjmë me një ndërtesë tridimensionale të ngritur mbi nivelin e tokës, duke ruajtur hapësirën e parkut për ta mbajtur të aksesueshme për publikun.
Projekti parashikon ruajtjen e ujit dhe të shatërvanit si pjesë të identitetit të zonës, por i trajton ato në një formë të re.
Studio e përshkroi Parkun Rinia si një hapësirë ku ndërthuren disa rrjete, gjelbërimi, uji dhe aktiviteti social dhe propozimi është ndërtuar mbi idenë që ndërtesa të shtojë funksione të reja pa marrë më shumë sipërfaqe nga parku.