Bashkia e Tiranës organizoi ceremoninë përkujtimore me rastin e 82-vjetorit të Çlirimit të Kryeqytetit, në nderim të dëshmorëve që dhanë jetën për lirinë e vendit.
Në aktivitetin e zhvilluar më 17 Nëntor morën pjesë përfaqësues të Bashkisë dhe Qarkut Tiranë, deputetë, veteranë dhe familjarë të dëshmorëve.
Gjatë fjalës së tij, nënkryetari i Bashkisë, Sadi Vorpsi, vlerësoi sakrificën e të rinjve që luftuan për çlirimin e Tiranës, si dhe mbështetjen e familjeve tiranase që strehuan dhe ndihmuan luftëtarët antifashistë.
Ceremonia u shoqërua me interpretimin e Himnit Kombëtar dhe pjesë muzikore nga Banda Frymore e Bashkisë së Tiranës, duke përcjellë një atmosferë solemne në kujtim të të rënëve.
Aktiviteti synoi të ruajë kujtesën historike dhe të përcjellë te brezat e rinj vlerat e lirisë dhe sakrificës.
