Dafina Zeqiri ka tërhequr vëmendjen e ndjekësve me një veprim të papritur në Instagram. Këngëtarja ka fshirë të gjitha postimet nga profili i saj, duke lënë pas vetëm një publikim të fundit që ka mjaftuar për të ndezur kureshtjen e fansave.
Mbrëmjen e djeshme, Dafina publikoi një postim me një caption të shkurtër, por intrigues: “Sunday night surprise”.
Kjo lëvizje ka bërë që ndjekësit të nisin menjëherë aludimet se mos fshirja e postimeve lidhet me një projekt të ri, një ndryshim të madh në profilin e saj artistik apo një surprizë që këngëtarja mund të jetë duke përgatitur.
Dafina nuk ka dhënë ende një shpjegim të qartë për arsyen e fshirjes së postimeve, ndërsa caption-i i saj misterioz vetëm sa ka shtuar më shumë pikëpyetjet.
Tashmë fansat janë në pritje të së dielës për të zbuluar se çfarë fshihet pas paralajmërimit “Sunday night surprise”. A bëhet fjalë për muzikë të re, një projekt të veçantë apo një tjetër surprizë nga Dafina?
