Rizarta Hoxha është sërish në qendër të vëmendjes, pas publikimit të një videoje intime nga gazetari Elton Tozaj, e cila shkaktoi reagime të shumta në rrjet.
Pas bujës së krijuar, ish-banorja e “Big Brother VIP Albania” reagoi publikisht, duke e cilësuar publikimin si një cenim të rëndë të jetës së saj private. Rizarta bëri të ditur se, sipas saj, situata ka kaluar çdo kufi dhe se çështja nuk do të vazhdojë më në rrjetet sociale, por do të ndiqet në rrugë ligjore.
Në reagimin e saj, ajo iu referua edhe të drejtave ligjore për mbrojtjen e privatësisë dhe të dhënave personale.
Por historia nuk u mbyll me kaq. Elton Tozaj ka reaguar sërish, duke mbrojtur publikimin në emër të gazetarisë investigative dhe duke argumentuar se bëhet fjalë për materiale që lidhen me persona publikë dhe ambiente publike.
Përplasja mes të dyve tashmë ka marrë një tjetër drejtim: nga debatet në rrjetet sociale, çështja pritet të zhvendoset në rrugë ligjore.
