Disney ka zbuluar një sërë surprizash të mëdha për fansat gjatë eventit D23, duke prezantuar projekte të shumëpritura nga bota e animacionit, Marvel dhe Star Wars. Në qendër të vëmendjes ishte rikthimi i disa prej personazheve më të dashur, por edhe njoftime për filma të rinj.
Një nga surprizat kryesore ishte “Frozen 3”, i cili pritet të shfaqet në kinema në nëntor 2027. Filmi do të sjellë Anna-n, Elsa-n, Kristoff-in dhe Olaf-in në një aventurë të re, ndërsa Disney zbuloi edhe detaje të reja nga historia dhe pamjet e personazheve.
Por lajmet nuk u ndalën këtu. Edhe universi i “Ice Age” do të rikthehet me filmin “Ice Age: Boiling Point”, i cili është planifikuar të dalë në kinema më 5 shkurt 2027. Në këtë aventurë të re, tufa do të përballet me vende dhe rreziqe të panjohura, ndërsa rikthimi i Scrat premton sërish momente komike.
Disney surprizoi gjithashtu me projekte të tjera të mëdha, përfshirë “Zootopia 3”, “Incredibles 3”, “Coco 2” dhe projekte të reja nga universet Marvel e Star Wars.
Me kaq shumë rikthime dhe projekte të reja, duket se vitet e ardhshme do të jenë të mbushura me nostalgji, personazhe të dashur dhe aventura të reja për fansat e Disney-t