Një studim i fundit mbi zakonet e dëgjimit të muzikës ka nxjerrë në pah një fenomen interesant. Rreth moshës 33 vjeç, shumica e njerëzve ndalojnë së ndjekuri muzikën e re dhe mbeten tek ajo që kanë dëgjuar në rininë e tyre.
Sipas të dhënave nga platforma Spotify, kjo periudhë njihet si “ngrirja e shijes” (taste freeze), momenti kur dëgjuesit fillojnë të humbasin lidhjen me muzikën që dominojnë listat aktuale. Kjo nuk do të thotë se njerëzit ndalojnë së dëgjuari muzikë, por thjesht largohen nga trendet e reja.
Në vend që të ndjekin hitet më të fundit apo këngët virale, ata priren të rikthehen tek tingujt e njohur të rinisë së tyre ose të orientohen drejt zhanreve më specifike si jazz apo muzika klasike, duke u shkëputur kështu nga pop-i bashkëkohor.
Studimi thekson se disa faktorë ndikojnë në këtë “ngrirje”. Një ndër më të rëndësishmit janë momentet kyçe të jetës. Për shembull, të bërit prind e përshpejton këtë proces, duke “plakur” shijet muzikore me rreth katër vite.Ndërkohë, edhe epoka e streaming-ut duket se e ka forcuar këtë tendencë.Përdoruesit krijojnë lista personale këngësh dhe i ndajnë me njerëz të së njëjtës moshë, që kufizon zbulimin e artistëve të rinj.
Qoftë duke ndjekur evolucionin e ikonave si Beyoncé, apo duke mbetur besnikë ndaj këngëve të vjetra, një gjë duket e qartë: mosha 33 vjeç mbetet kufiri ku shumica e dëgjuesve lënë pas listat e reja dhe zgjedhin rehatinë e muzikës që njohin.