BBC i ka kushtuar një artikull të veçantë destinacioneve europiane që ofrojnë pushime cilësore me kosto më të ulët këtë verë, ku mes vendeve të rekomanduara renditet edhe Shqipëria.
Sipas medias britanike, për shkak të rritjes së çmimeve, mbingarkesës turistike dhe kostove të larta të udhëtimit në destinacionet klasike europiane, gjithnjë e më shumë turistë po orientohen drejt vendeve më pak të eksploruara, por që ofrojnë bukuri natyrore, kulturë autentike dhe çmime më të përballueshme.
Në këtë listë, Shqipëria vlerësohet veçanërisht për bregdetin e saj mahnitës, plazhet me rërë, ushqimin e mirë dhe kostot dukshëm më të ulëta krahasuar me shumë vende të tjera të Mesdheut. BBC thekson se akomodimi, transporti dhe shpenzimet e përditshme në Shqipëri mbeten ndër më të favorshmet në Europë, duke e kthyer vendin në një alternativë shumë tërheqëse për pushuesit ndërkombëtarë.
Sipas artikullit, Shqipëria po shihet gjithnjë e më shumë si një perlë e fshehur e Europës — një destinacion që ofron të njëjtën atmosferë verore mesdhetare, por me më pak turma dhe me më shumë vlerë për turistët