Gazetari kosovar Berat Buzhala ka bërë disa deklarata të forta në rrjetet e tij sociale, duke thënë se shqiptarët e Kosovës nuk trajtohen mirë në Shqipëri. Sipas tij, ata shpesh përballen me përbuzje, mungesë mbështetjeje dhe çmime më të larta vetëm pse vijnë nga Kosova.
Deklaratat e tij kanë ngjallur reagime të shumta, mes tyre edhe nga moderatori Blendi Fevziu, i cili i është përgjigjur publikisht Buzhalës. Fevziu i ka quajtur akuza të pavenda këto pretendime, duke theksuar se katër shqiptarë nga Kosova janë ose kanë qenë pjesë e qeverisë shqiptare në pozicione të rëndësishme drejtuese.
Në vijim, Fevziu e ka ftuar Buzhalën të japë emra të shqiptarëve nga Shqipëria që mbajnë poste të larta në institucione të Kosovës, për të vërtetuar balancën që ai pretendon mungon.
Berat Buzhala nuk ka vonuar me përgjigjen: menjëherë pas videos së Fevziut, ai ka shpërndarë një video në faqen e tij në Instagram, ku përmend disa emra konkretë, duke e kthyer këtë debat në një nga më të komentuaret në rrjetet sociale ditët e fundit.