Spektakli më i madh televiziv në Kosovë po kthehet! “Big Brother VIP Kosova 4” është zyrtarisht në përgatitje, dhe këtë e ka konfirmuar vetë producentja e njohur Olsa Muhameti, me një postim që i ka bërë fansat të shpërthejnë nga entuziazmi.
“Ohhh mezi po presim dhe ne, mos mendoni vetëm ju. BBVK 4 loading…”, shkroi Olsa në Instagram Story, duke e shoqëruar me një foto nga shtëpia më e famshme në Kosovë. Ky sinjal i vogël ka mjaftuar që rrjeti të shpërthejë në komente, me ndjekës që kërkojnë me ngulm datën e nisjes dhe emrat e VIP-ave që do të marrin pjesë.
Pas suksesit rekord të sezonit të tretë, pritshmëritë për BBVK 4 janë më të mëdha se kurrë. Debatet, memet dhe momentet ikonike të vitit të kaluar ende qarkullojnë në rrjet, ndërsa fansat janë të bindur se sezoni i ri do të “thyejë internetin” sërish.