Një studim i ri ka zbuluar një zgjidhje premtuese për dhimbjen kronike të mesit: ekstrakti VER-01 i nxjerrë nga bima e kanabisit. Sipas shkencëtarëve të shkollës mjekësore në Hanover, Gjermani, ky trajtim redukon dhimbjen pa shkaktuar varësi, duke e bërë një opsion të sigurt dhe të efektshëm për pacientët.
Në eksperimentin e publikuar në Nature Medicine, mbi 800 persona morën pjesë për 12 javë dhe raportuan lehtësim të dhimbjeve dhe përmirësim të simptomave përgjatë 6 muajve.
Shkencëtarët theksojnë se VER-01 është i pranuar mirë: efektet anësore të shpeshta ishin vetëm marramendja afatshkurtër, përgjumja dhe ndonjë të përzier gjatë fazës së hershme të trajtimit. Nuk u vërejtën abuzim, varësi apo simptoma të lënies së trajtimit.
Ky zbulim ofron një alternativë të sigurt ndaj medikamenteve anti-inflamatore, të cilat mund të shkaktojnë probleme kardiovaskulare dhe gastrointestinale afatgjata. Ekspertët e shohin këtë si një hap drejt një strategjie revolucionare për trajtimin e dhimbjeve kronike pa efektet anësore shqetësuese.