Bad Bunny rikthehet në skenën më të madhe të Amerikës! Ylli i muzikës reggaeton do të jetë artist kryesor i Super Bowl LX Halftime Show, që do të mbahet më 8 shkurt 2026 në Levi’s Stadium në Santa Clara, Kaliforni. Lajmi është konfirmuar nga vetë këngëtari përmes rrjeteve sociale.
Në një deklaratë emocionuese, Bad Bunny tha:
“Ajo që po ndiej shkon përtej meje. Është për ata që erdhën përpara meje dhe vrapuan pafund metra që unë të vija dhe të shënoja… kjo është për popullin tim, kulturën time dhe historinë time.”
Kjo nuk do të jetë hera e parë e Bad Bunny në Super Bowl. Ai ishte i ftuar special në vitin 2020, kur Jennifer Lopez dhe Shakira ndanë skenën, dhe spektakli nuk mungoi as J Balvin. Para njoftimit zyrtar, spekulimet flisnin për Taylor Swift, Miley Cyrus dhe Adele, me të fundit që thuhet se ishte në bisedime.
Historiku i performuesve të Halftime Show është mbresëlënës: Kendrick Lamar (2025), Usher (2024), Rihanna (2023), Dr. Dre, Snoop Dogg, Eminem, Mary J. Blige & Lamar (2022), The Weeknd (2021) – dhe tani, Bad Bunny do të bashkohet në këtë listë legjendare.
Fansat tashmë janë duke u përgatitur për një spektakël të paharrueshëm, dhe gjithë sytë janë mbi Bad Bunny dhe energjinë e tij reggaeton që pritet të pushtojë skenën e Super Bowl 2026!