Tre muaj pas vrasjes së Liridona Ademajt në Kosovë, disa dëshmitarë, përfshirë bashkëshortin e saj dhe persona të tjerë të përfshirë në ngjarje, kanë dhënë deklarata në polici. Sipas ekspertit të sigurisë, Bedri Elezi, publikimi i këtyre deklaratave mund të jetë një përpjekje e qëllimshme për të shkaktuar konfuzion dhe për të fshehur ndonjë ngjarje të dytë, si zhdukja e një vajze në Ferizaj, e cila mendohet të jetë shoqja e Liridonës.
Në një intervistë për “Shqipëria Live”, eksperti tha se përveç zhdukjes së shoqes së Liridonës, ka shenja që tregojnë drejt një aktiviteti të paligjshëm në Suedi, për të cilin e ndjerës i kishte informacion.
“Nuk ishte e nevojshme të publikoheshin deklaratat e para. Publikimi mund të jetë për të çorientuar pistat reale të hetimit. Unë kam thënë se jeta e të ndjerës është marrë për shkak të sekreteve që ka pasur. Ishte një mikeshë e saj nga Ferizaj, fati i saj ende nuk dihet. Ndërlidhet me marrëdhëniet që kanë pasur, e zhdukura në Suedi ishte mikeshë e Liridonës. Dyshimet e mia personale, kemi të bëjmë me një organizim vrasje nga persona që nuk janë të ndaluar, për shkak të informacioneve që kishte e ndjera. Prandaj i dyshuari kryesor ka gjetur mënyrën më të mirë duke thënë se ishte i pranishëm gjatë vrasjes. Vrasja ka të bëjë me info që posedonte e ndjera për aktivitete të kundërligjshme në Suedi. Babi i Naim Murselit së pari ka deklaruar, Liridona mund të kishte pasur sekretë që i kanë kushtuar jetën. Mbase për një shmangie tatimore në shtetin e Suedisë me vlerën e 30 mln eurove, të cilët nuk janë të arrestuar“
Burimi i artikullit: https://www.youtube.com/results?search_query=shqiperia+live