Ish-presidenti i Kosovës, Hashim Thaçi, është dënuar me 17 muaj burgim në rastin për pengim të drejtësisë në Gjykatën Speciale në Hagë.
Ai është shpallur fajtor për tentativë të pengimit të personave zyrtarë në kryerjen e detyrave të tyre, përmes veprimit të përbashkët, si dhe për shkelje të fshehtësisë së procedurës dhe mosbindje ndaj gjykatës.
Gjykata i shqiptoi një dënim të njësuar prej 17 muajsh burgim.
Bashkim Smakaj dënohet me 12 muaj burgim
Gjykata Speciale në Hagë e ka dënuar Bashkim Smakajn me 12 muaj burgim në rastin për pengim të drejtësisë, ku i akuzuar është edhe Hashim Thaçi.
Isni Kilaj shpallet i pafajshëm, lirohet pas seancës
Haga e ka shpallur të pafajshëm Isni Kilajn për akuzat në rastin për pengim të drejtësisë. Gjyqtari Christopher Gosnell urdhëroi lirimin e tij pas përfundimit të seancës.
Hajredin Kuçi dënohet me një muaj burgim me kusht
Hajredin Kuçi është dënuar me një muaj burgim me kusht. Dënimi nuk do të ekzekutohet nëse Kuçi nuk kryen ndonjë vepër tjetër penale gjatë periudhës njëvjeçare të provës.
Gjykata Speciale në Hagë shpalli sot aktgjykimin ndaj Hashim Thaçit, Bashkim Smakajt, Isni Kilajt, Hajredin Kuçit dhe Fadil Fazliut, të akuzuar për vepra që lidhen me pengimin e drejtësisë. Prokuroria i akuzon për përpjekje të paligjshme për të ndikuar në dëshmitarët e procesit gjyqësor për krime lufte ndaj ish-krerëve të UÇK-së
