Disa destinacione në botë ku ushqimi nuk është thjesht pjesë e udhëtimit, por arsyeja kryesore për të vizituar vendin. Këto vende janë përzgjedhur për shkak të kuzhinës së tyre unike, traditave ushqimore dhe inovacionit gastronomik, që i bëjnë ato gjithnjë e më tërheqëse për turistët.
Kreta, Greqi
Një nga destinacionet kryesore është Kreta, e njohur për dietën mesdhetare, vajin e ullirit dhe ushqimet tradicionale që lidhen edhe me jetëgjatësinë e banorëve.
Kelowna, Kanada
Një rajon i njohur për verërat dhe fermat lokale, ku kuzhina moderne lidhet ngushtë me prodhimet e tokës dhe kulturat e ndryshme të emigrantëve.
Cartagena & Barranquilla, Kolumbi
Zona ku ushqimi pasqyron kulturën e pasur karaibe, me përzierje ndikimesh indigjene, afrikane dhe spanjolle, si dhe restorante moderne që po fitojnë famë botërore.
Trenat luksozë në Europë
Një trend i ri është edhe “darkimi në tren”, ku kuzhinierë të famshëm krijojnë menu të veçanta gjatë udhëtimit nëpër vende të ndryshme.
Bozcaada, Turqi
Një ishull i qetë që kombinon kuzhinën e Egjeut me tradita të lashta të verës dhe ushqimeve të detit.
Minneapolis & Minnesota, SHBA
Një skenë ushqimore e larmishme, ku bashkohen kultura të ndryshme dhe kuzhina indigjene amerikane.