Pas ditësh të tëra aludimesh dhe diskutimesh në rrjet, historia që mbajti pezull ndjekësit duket se ka marrë fund. Mbrëmjen e djeshme, disa lëvizje në rrjetet sociale shtuan edhe më shumë dyshimet, duke zhgënjyer ata që ende shpresonin se çifti nuk ishte ndarë.
Pak pas mesnate, ishte Mateo ai që vendosi të thyejë heshtjen. Me anë të një reagimi publik, ai konfirmoi fundin e marrëdhënies, por pa e përmendur në asnjë moment emrin e ish-partneres. Ai theksoi se gjithmonë ka preferuar ta mbajë jetën private larg vëmendjes dhe u shpreh se ndjeu detyrimin t’u jepte një sqarim ndjekësve.
Vetëm pak minuta më vonë erdhi edhe reagimi i Brikenës. Ndryshe nga Mateo, ajo e përmendi me emër dhe konfirmoi se rrugët e tyre janë ndarë. Në mesazhin e saj, Brikena nënvizoi se mes tyre nuk ka pasur mungesë respekti dhe kërkoi mirëkuptim në këtë moment delikat.
Ajo tregoi gjithashtu se ka zgjedhur të tërhiqet përkohësisht nga disa grupe dhe diskutime në rrjet, pasi situata po e rëndon emocionalisht. Megjithatë, pavarësisht deklaratave të tyre, reagimet nuk kanë munguar. Ndjekësit vijojnë të komentojnë gjerësisht ndarjen, ndërsa shumë prej tyre po rikujtojnë deklaratat e mëparshme të Mirit, Juelës, Edisës dhe Rogertit lidhur me të ardhmen e këtij çifti.
