Shumë prej nesh jetojnë me ritëm të shpejtë dhe shpesh vaktet kthehen në diçka që bëhet “sa për të ngrënë”, mes punës, angazhimeve dhe lodhjes së ditës. Por ekspertët thonë se mënyra si hamë ndikon drejtpërdrejt te shëndeti ynë.
Kur hamë me nxitim, trupi nuk arrin ta përpunojë ushqimin siç duhet. Kjo mund të shkaktojë fryrje, tretje të dobët dhe rritje të menjëhershme të sheqerit në gjak. Sistemi tretës ka nevojë për kohë që të shpërbëjë ushqimin dhe të përthithë siç duhet lëndët ushqyese.
Sipas specialistëve, të ngrënit ngadalë ndihmon jo vetëm tretjen, por edhe ndjenjën e ngopjes. Stomakut i duhen rreth 20 minuta për t’i dërguar trurit sinjalin se është ngopur. Nëse hani shpejt, ka shumë gjasa të konsumoni më tepër seç duhet.
Për të krijuar një rutinë më të shëndetshme:
- Merrni kohë për t’u ulur dhe për të ngrënë me qetësi
- Përtypeni ushqimin mirë
- Mos prisni të ndjeni uri të fortë për të ngrënë
- Organizoni vaktet paraprakisht për të shmangur ushqimin e shpejtë