Në një kohë kur shumë marrëdhënie përballen me mungesë kohe, stres dhe komunikim të dobët, një formulë e thjeshtë po bëhet gjithnjë e më popullore mes çifteve: rregulli “3-3-3”. Psikologët e marrëdhënieve thonë se kjo metodë mund të ndihmojë partnerët të ruajnë lidhjen emocionale dhe të mos bien në rutinë.
Parimi është mjaft i thjeshtë dhe bazohet në tre hapa që përsëriten në intervale të ndryshme kohe
Së pari, çdo tre ditë partnerët duhet të gjejnë pak kohë për një bisedë të sinqertë dhe pa shpërqendrime, duke lënë mënjanë telefonat apo aktivitetet e tjera. Ideja është që të krijohet një moment real komunikimi
Së dyti, çdo tre javë sugjerohet një takim vetëm për çiftin. Mund të jetë një darkë, një shëtitje apo një aktivitet i vogël që i nxjerr nga rutina e përditshme
Ndërsa çdo tre muaj, rekomandohet të provohet diçka e re së bashku – një udhëtim i shkurtër, një kurs apo një përvojë ndryshe që krijon kujtime të përbashkëta
Sipas ekspertëve, sekreti i kësaj metode nuk qëndron te gjestet e mëdha, por te vazhdimësia dhe kujdesi i rregullt për marrëdhënien. Çiftet që krijojnë rituale të vogla lidhjeje priren të ndihen më të kënaqur dhe më të afërt me njëri-tjetrin.
Në rrjetet sociale, shumë njerëz kanë nisur ta provojnë këtë formulë dhe disa e përshkruajnë si një mënyrë të thjeshtë për të mbajtur gjallë marrëdhënien
Në fund të fundit, mesazhi është i qartë: marrëdhëniet nuk mbahen vetëm nga ndjenjat, por edhe nga koha dhe vëmendja që partnerët i kushtojnë njëri-tjetrit