Legjenda e komedisë Catherine O’Hara, e famshme për rolin e narkoses Kate McCallister në filmat klasikë Home Alone, si dhe për portretimin e Moira Rose në serialin “Schitt’s Creek”, ka ndërruar jetë të premten në moshën 71 vjeçare. Lajmi u konfirmua nga menaxheri i saj, ndërsa detajet e sakta të vdekjes nuk janë bërë zyrtarisht publike.
O’Hara nisi karrierën në komedi në vitet 1970 dhe u bë një figurë e dashur e ekranit, me role që shtriheshin nga komeditë klasike si Beetlejuice dhe Best in Show, deri tek sukseset televizive që i dhanë një Emmy për “Schitt’s Creek”.
Aktorja vdiq në shtëpinë e saj në Los Angeles pas një sëmundjeje të shkurtër, duke lënë pas një trashëgimi të pasur në industrinë e filmit dhe një audiencë globale që e adhuronte nga breza të ndryshëm. Përveç rolit në Home Alone, për të cilin njihet më së shumti, ajo gjithashtu shënoi sukses edhe në ekranet televizive dhe në filmat e komedisë për dekada.
Ndërkohë, kolegë e miq të shumtë i kanë dedikuar mesazhe ngushëllimi dhe homazhe, duke vlerësuar talentin, humorin dhe kontributin e saj në art. Mes tyre është edhe bashkëlojtari i saj në Home Alone, Macaulay Culkin, i cili e përshkroi lidhjen e tyre si diçka shumë të veçantë.
✨ Catherine O’Hara do të mbahet mend si një nga zërat më të dashur të komedisë moderne një aktore e paharrueshme që preku zemrat e miliona njerëzve me talentin e saj.