Mbrëmjen e 4 qershorit, emisioni “Fiks Fare” nisi në mënyrë të veçantë. Prezantuesve Devit dhe Dorit iu bashkua fituesja e “Big Brother Vip 3”, Egla Ceno. Ajo deklaroi se pjesëmarrja në BB ishte një moment dobësie, por nuk pendohet. Me humor, Egla tha: “Nuk e di si m’i mori mendtë Perëndia dhe pranova.”
Gjatë intervistës, aktorja tregoi si po e përjeton fitoren, marrëdhënien me banorët dhe projektet për të ardhmen. Egla u shpreh se shqiptarët e zgjodhën atë fituese për thjeshtësinë e saj, duke thënë me shaka: “Fitohet edhe pa gjoks e vithe të bëra, shqiptarët ende duan femrat e thjeshta me pizhame, madje s’i kam larë akoma.”
Ajo pranoi se në BBV3 nuk ishte vetvetja e vërtetë, por luajti dhe aktruar. Lidhur me banorët e tjerë, tha se nuk ka marrëdhënie me ta dhe i bëri një thirrje publike aktorit Julian Deda.
Në jetën personale, Egla është e rezervuar, por tregoi se lidhja me italianin ka përfunduar. Ajo tani është e lidhur me Dragoviç në Bullgari dhe me humor shtoi: “Tani jam hedhur në Bullgari me Dragoviç edhe pse radha ka shkuar tek molla e kuqe.”
Egla planifikon të kalojë pushimet me të ëmën dhe më pas do të angazhohet me disa projekte të reja, për të cilat nuk dha detaje. Ajo shprehu dëshirën për të realizuar një “diss”, pasi ka dëgjuar që shumë persona pretendojnë fitoren e BBV3. “Një diss do ta bëja me kënaqësi, do ta këpusja në mes për historinë e fitores së BBV3,” tha ajo.
Burimi i artikullit: https://www.youtube.com/watch?v=p7MIoCxJ7vs
Burimi i fotos: https://www.instagram.com/p/C4l1SM5tWGR54WRHF0-4pyRpyrwy6NgAj95klE0/