Romeo Veshaj, një nga pesë finalistët e Big Brother Vip Albania 3, ka folur për herë të parë pas përfundimit të spektaklit, ku fituese u shpall Egla Ceno. Në një video mesazh të ndarë me ndjekësit e tij, Romeo shprehu mirënjohjen e tij të thellë për mbështetjen e madhe që ka marrë gjatë qëndrimit të tij në shtëpinë e Big Brother.
„Sa e çuditshme, unë kam një telefon në dorë. Fjeta shumë sot, mu desh pak kohë që të merrja veten të them të drejtën. Por kur u zgjova pashë gjithë mbështetjen tuaj dhe ishit shumë. Po e bëj këtë video për t’ju falënderuar nga zemra. Ju jam mirënjohës për të gjitha votat që keni dhënë për mua, për të gjithë mbështetjen që keni bërë këto 4 muaj e gjysmë për mua, për të gjithë vlerësimin që më keni dhënë. Realisht ju jeni fitorja ime e madhe. Ju dua fort, ju falenderoj shumë dhe ju puth të gjithëve. Faleminderit!” – tha Romeo Veshaj.
Përgjatë katër muajve e gjysmë në shtëpinë e Big Brother, Romeo ka fituar zemrat e publikut dhe përkrahja e tyre është vlerësimi më i madh për të.
