Ka pasur shumë thashetheme rreth marrëdhënies ndërmjet Luiz Ejllit dhe Arbana Osmanit, duke aluduar një distancim të mundshëm mes tyre. Kjo u bë edhe më e dukshme pas një komenti nga Luizi, i cili, kur u pyet për marredhenien e tyre, u shpreh se ata ishin në vende të ndryshme dhe pranoi se ka pasur disa tensione, duke shtuar se do të zbulojë më shumë në maj, pasi nuk ishte i autorizuar të fliste më herët.
Në një intervistë në programin “Zë me Mirën”, Arbana u shpreh me respekt dhe vlerësim të lartë për Luiz Ejllin dhe të gjithë pjesëmarrësit e Big Brother për kontributin e tyre në program. Ajo theksoi se marrëdhënia e saj me pjesëmarrësit zgjat vetëm gjatë periudhës së transmetimit të Big Brother dhe që çdo takim jashtë tij është i rastësishëm, por gjithmonë i mirëpritur.
Për më tepër, kur u pyet për një teori konspirative që qarkullon në internet, e cila sugjeron se ajo do të bashkëprezantojë edicionin e ardhshëm të “Big Brother Vip Kosova” së bashku me Luizin dhe me partnerin e saj Edin, Arbana zgjodhi të mos komentojë direkt, duke thënë se preferon të jetojë në momentin e tanishëm dhe të vlerësojë praninë e të tjerëve.
Burimi i artikullit: https://www.youtube.com/watch?v=IWeQk5IIav0
Burimi i fotos: https://www.instagram.com/p/C4lxgiYoesx/?img_index=1