Historia e dashurisë mes Eronitës dhe Bleros nisi me një mesazh të shkurtër, por mjaft kurioz. Bashkëshortja e këngëtarit ka zbuluar një nga detajet e para të njohjes së tyre, duke treguar se cila ishte fjalia që i shkroi fillimisht partnerit të saj.
Në intervistën e saj të parë ekskluzive për Prive By LS, në rubrikën “25 Pyetje”, Eronita ka folur për jetën në çift, familjen dhe marrëdhënien me Tarën, vajzën e Bleros. Mes pyetjeve për jetën private, nuk kanë munguar as ato që e kanë kthyer pas në kohë, te momentet e para të njohjes me këngëtarin.
Gjatë intervistës, Eronita nuk ka hezituar t’u përgjigjet as pyetjeve rreth fillimit të historisë së saj të dashurisë me këngëtarin, duke ndarë detaje nga njohja e tyre.
E pyetur për mesazhin e parë që i kishte dërguar Bleros, ajo ka dhënë një përgjigje mjaft të drejtëpërdrejtë.
“Po, mesazhi i parë që ia kam dërguar Bleros ka qenë “Gabim?”, është përgjigjur Eronita.
Por, përveç historisë së dashurisë dhe jetës familjare, Eronita ka folur edhe për paragjykimet me të cilat është përballur që nga martesa me këngëtarin.
Ajo ka treguar se një prej paragjykimeve që e shoqëron është ideja se është martuar me Bleron vetëm për famë. Një perceptim të tillë, ajo e ka kundërshtuar, duke bërë të qartë se fama nuk ka qenë arsyeja e martesës së saj.
“Paragjykimi që jam martuar për famë, se veç për famë s’jam martuar”, është shprehur Eronita.
Përmes kësaj interviste, ajo ka dhënë një pasqyrë më të afërt të jetës së saj personale, duke folur për raportet familjare, martesën dhe mënyrën se si i përjeton komentet e paragjykimet që vijnë nga jashtë.