Shkrimtari Ben Blushi ka njoftuar botimin e romanit të tij më të ri, “Historitë e Çmendura të Tiranës”, i cili ka mbërritur në shtypshkronjën Onufri dhe pritet të dalë në librari më 3 nëntor.
Në një postim në rrjetet sociale, Blushi tregon se libri u shkrua nga keqardhja për qytetin ku ka lindur, duke theksuar se Tirana ka më pak libra kushtuar historisë së saj krahasuar me kryeqytetet e tjera evropiane.
Romani përshkon katër shekuj histori, nga viti 1600 deri në vitin 2000, duke rrëfyer luftërat, pushtimet, ndërtimet dhe intrigat mes pashallarëve, bejlerëve, aventurierëve, ushtarakëve, shkrimtarëve, poetëve, mbretërve dhe perandorëve që kërkuan të kontrollonin qytetin.
Blushi vë në dukje se Tirana është djegur disa herë gjatë historisë, por gjithmonë është ringritur, duke u bërë më e bukur dhe më vitale. Ai e cilëson një koincidencë fatale faktin që libri publikohet pikërisht në këto ditë, kur kryeqyteti po kalon një periudhë të vështirë.
“Historitë e Çmendura të Tiranës” do të jetë në çdo librari duke nisur nga data 3 nëntor.
https://www.instagram.com/p/De_i45KIrSJ/?mdxt=dnJ4a3NueHV4NzIz