Të flesh me makeup mund të ndikojë negativisht në pamjen dhe shëndetin e lëkurës, sepse gjatë natës ajo kalon në procesin e rigjenerimit. Grimi, së bashku me yndyrën, djersën dhe papastërtitë e mbledhura gjatë ditës, mund të grumbullohet në sipërfaqen e lëkurës dhe të bllokojë poret.
Kjo mund të favorizojë shfaqjen e pikave të zeza, puçrrave dhe irritimit, veçanërisht te personat me lëkurë të yndyrshme ose të ndjeshme. Për më tepër, lënia e makeup-it për shumë orë mund ta bëjë lëkurën të duket më e thatë, e lodhur dhe pa shkëlqim.
Prandaj, edhe nëse jeni shumë të lodhur, heqja e makeup-it para gjumit është një nga hapat më të thjeshtë për ta mbajtur lëkurën të pastër dhe për t’i dhënë mundësi të pushojë gjatë natës.