Jozi duket se është gati të rikthehet në qendër të vëmendjes muzikore.
Pasi kaloi disa ditë pushimi larg zhurmës, në peizazhet përrallore të Punta Cana-s në Republikën Dominikane, këngëtari ka njoftuar fansat se pushimet kanë mbaruar dhe është koha për punë.
Vizita e tij në këtë destinacion luksoz u dokumentua gjerësisht në rrjetet sociale, duke treguar momente relaksi në plazhet me rërë të bardhë dhe ujë kristal.
Ky pushim duket se i ka shërbyer Jozit për të karikuar bateritë, pasi sapo është kthyer, ai ka bërë një paralajmërim të bujshëm. Përmes një postimi të fundit në InstaStory, artisti ka ndarë një video, por ajo që ka tërhequr vëmendjen nuk është vetëm video, por shkrimi që e shoqëron atë.
Në këtë postim, Jozi ka shkruar: “Së shpejti hiti! Jozi ft M… ….”, duke bërë të ditur se projekti i ri muzikor është gati për t’u publikuar.
Pjesa më intriguese e paralajmërimit mbetet bashkëpunimi. Duke shkruar “Jozi ft M… ….”, ai ka lënë mister emrin e artistit/es që do t’i bashkohet në këtë projekt. Pavarësisht misterit, një gjë është e sigurt: Jozi është kthyer me energji të reja dhe po përgatit diçka të bukur për publikun.
