Greta Kazazi ishte e ftuar në emisionin “Ftesë në 5”, ku rrëfeu hapur disa nga momentet më të vështira të jetës së saj private. Gjatë intervistës, ajo tregoi se përballja me familjen nuk ka qenë gjithmonë e lehtë, sidomos gjatë periudhës kur ishte aktive në konkurset e bukurisë.
“Babi nuk ka pranuar që unë të isha në botën e medias dhe nuk kam folur për dy muaj me të. Unë isha në Turqi duke marrë pjesë në konkurs dhe ai nuk më hapte telefonin”, tha Greta, duke treguar sfidën e madhe që përjetoi duke u përpjekur të kombinojë karrierën e saj në media me marrëdhënien me babain.
Mes rrëfimeve, Greta nuk la pa përmendur edhe mamanë e saj, për të cilën shprehu emocione të forta. Ajo tregoi se një nga momentet më të vështira ka qenë kur shëndeti i nënës së saj nuk ka qenë i mirë.
“Një moment tjetër i vështirë ka qenë gjendja mamit. Nuk ka qenë mirë me shëndetin dhe e kam përjetuar disi. Ka pasur disa probleme shëndetësore dhe tani është me kontrolle. Unë mamin e kam pikë të dobët”, përfundoi Greta, duke treguar lidhjen e fortë që ka me të.
Rrëfimi i saj tregon një tjetër anë të jetës së njohur për publikun, ku suksesi dhe ekspozimi mediatik nuk kanë qenë të ndara nga sfidat dhe ndjeshmëria e familjes. Greta Kazazi përmes fjalëve të saj ofroi një portret të sinqertë të përpjekjeve dhe emocioneve që lidhen me jetën private, duke treguar se pas çdo suksesimi në skenë ka momente të ndjeshme dhe të prekshme për të.