Kryeministri Edi Rama ka reaguar përmes një postimi në rrjetet sociale lidhur me procesin në Hagë, ndaj krerëve të UCK. Ndërsa ka postuar një video të prokurorit Matthew Howling në këtë proces, Rama shkruan: Çfarë idioti ndërkombëtar të shoqëruar me nje figurë kllouni.
Mbrojtja e Hashim Thaçit duket se e ka shqetësuar thellësisht prokurorinë, madje ata deklarojnë se ish presidenti i Kosovës, gjatë luftës i ka gënjyer disa herë ndërkombëtarët.
Në vijimin e fjalës së saj në ditën e dytë të seancave përfundimtare, prokuroria pretendon se Thaçi i ka manipuluar diplomatët që kanë dëshmuar pro tij, duke vënë në diskutim dëshminë e figurave të larta politike, mes të cilave edhe atë të James Rubin, ndihmesi i sekretarit amerikan të shtetit.
“Ajo që nuk kuptojnë James Rubin dhe Wesli Clark dhe të tjerë është që Thaci ishte i aftë të maskonte atë cka po ndodhte në realitet dhe kjo ndikoi në botëkuptimin e tyre për të kuptuar vërtet se si funksiononte UCK-ja. Vecanërisht Rubin dhe Clark treguan që nuk kishin kurrë farë interesi për të kuptuar cfarë ndodhte në realitet dhe besonin se puna e tyre ishte në anën e duhur të historisë dhe nuk u përballën me atë cka po dëgjon tashmë ky trup gjykues dhe për të cilën do të marrë vendimet përkatëse.
Vendimet e tyre nuk ishin as në përputhje me standardet ligjore ndërkomëtare, sa I takon kontrollit efektiv, kryekomandanti i UCK mund të mos ketë qenë në gjendje të ushtrojë komandën sikurse ushtritë e SHBA apo NATO-s, po as nuk kishte nevojë ta bënte këtë gjë. Paragrafi 613 I dosjes flet për shumëllojshmërinë e hierarkive që janë të mjaftueshme për të konstatuar përgjegjësinë eprore sipas të drejtës ndërkombëtare humanitare,” thotë prokurori në videon e shkwputur nga kryeministri Rama.