Ujeza Doshlani ka bërë publikisht rrëfimin e saj për një përvojë tronditëse me një ndërhyrje estetike, e cila, sipas deklarimit të saj, i shkaktoi dëmtime serioze dhe të dukshme në fytyrë. Ajo tregon se plaga e krijuar mbeti e hapur për muaj të tërë, duke e bërë të pamundur mbulimin me grim dhe duke ndikuar drejtpërdrejt në jetën e saj personale dhe profesionale, deri në pezullimin e përkohshëm të punës.
Sipas Doshlanit, mjekja që kreu ndërhyrjen e siguroi fillimisht se gjendja ishte normale dhe se shërimi do të vinte me kohën. Megjithatë, plaga nuk u shërua dhe, kur ajo kërkoi sqarime të mëtejshme, nuk mori më përgjigje. Ajo deklaron se kontaktoi edhe pronaren e klinikës, e cila i premtoi një kompensim për dëmin e shkaktuar, por këto premtime u pasuan nga heshtje, vonesa dhe mungesë përgjegjësie.
Si pasojë e zvarritjes së situatës, afatet për kallëzim penal, sipas saj, u ezauruan, duke ia pamundësuar ndjekjen ligjore të rastit. Edhe përpjekjet përmes një avokati nuk sollën zgjidhje, ndërsa Doshlani u detyrua të mbulojë vetë shpenzimet për rikuperimin fizik dhe psikologjik.
Vendimi për të folur publikisht, shprehet ajo, erdhi pasi pa pamje ku personi përgjegjës vazhdonte të promovonte shërbimet e tij. “Minimumi që mund të bëja ishte të flisja publikisht, që askush tjetër të mos bjerë pre si unë,” deklaron Ujeza Doshlani.
Ajo thekson se mungesa e përgjegjësisë profesionale nuk justifikohet në asnjë rrethanë dhe se çdo pacient, pavarësisht statusit apo pagesës, meriton siguri dhe trajtim korrekt.
Mesazhi i saj i plotë:
“Pershendetje. Faleminderit per fjalet. Jo nuk kam ber kallzim penal. Besova ne nje sherim, dhe se ishte normale, sepse ashru me premtoj mjekja ne fjale. Kur plaga nuk po ikte, nuk morra me pergjigje prej saj. Kontaktova me pronaren e klinikes e cila me premtoj nje kompensim per demin, i cili u oasua me heshtje, premtime qesharake dhe humbje kohe! Si rrjedhoj afatet per kallzim penal u ezaureuan dhe nuk mund te denoncoja me. Ju drejtova nje avokati dhe kalvari u zgjat pafundesisht. E gjithe kjo eksperience ishte tejet negative, zhgenjyese, dhe tronditese! Vendosa ta harroja, shoenzova nga xhepi im per nje rekuperim fizik dhe psikologjik. Kur pash pamjet e intervistes u trondita aq shume sa me e pakta qe mund te beja eshte te demaskoja kete person dhe kete klinike qe mos te bie me pre njeri si un!”