Pas shumë pritjesh dhe aludimesh që qarkullonin prej muajsh, më në fund ka një datë zyrtare: “Big Brother VIP Albania 5” do të nisë në dhjetor. Lajmi u konfirmua përmes një njoftimi në llogarinë zyrtare të programit, duke i dhënë fund misterit që ka shoqëruar këtë edicion.
Por fansat kanë vënë re diçka të rëndësishme: nisja e këtij edicioni është e vonuar në krahasim me sezonet e mëparshme, të cilat zakonisht fillonin në tetor ose fillim-nëntor. Kjo ka shkaktuar diskutime të shumta në rrjete sociale, ku ndihet qartë padurimi i publikut.
Ndërkohë, një tjetër detaj ka ndezur edhe më shumë bisedat online. Ledion Liço, i shumëpërfolur si prezantuesi i “BBVA 5”, ka shpërndarë postimin zyrtar të Big Brother VIP Albania në rrjetet e tij sociale. Kjo lëvizje është parë nga fansat si një konfirmim i heshtur se ai do të jetë sërish në krye të spektaklit, ashtu si sezonin e fundit.
Edhe pse Top Channel nuk e ka bërë ende zyrtare, fakti që Ledioni ka reaguar menjëherë ndaj njoftimit ka mjaftuar që publiku ta konsiderojë këtë çështje të mbyllur.
Me njoftimin e vonuar dhe me konfirmimin e tërthortë të Ledionit, publiku është më kureshtar se kurrë për të mësuar: cilët VIP-a do të futen këtë sezon, çfarë ndryshimesh do të ketë në format, dhe si do të duket shtëpia e re, për të cilën përflitet se po pëson ndryshime të mëdha.
https://www.instagram.com/reels/DRChA9DiHgP/